Psalms 77
1לַמְנַצֵּחַ עַֽל־יְדִיתוּן ▼▼For Ketiv יְדִיתוּן Qere= יְדוּתוּן
לְאָסָף מִזְמֽוֹר׃ 2 ▼▼English Ref=77.1
קוֹלִי אֶל־אֱלֹהִים וְאֶצְעָקָה קוֹלִי אֶל־אֱלֹהִים וְהַאֲזִין אֵלָֽי׃ 3 ▼▼English Ref=77.2
בְּיוֹם צָרָתִי אֲדֹנָי דָּרָשְׁתִּי יָדִי׀ לַיְלָה נִגְּרָה וְלֹא תָפוּג מֵאֲנָה הִנָּחֵם נַפְשִֽׁי׃ 4 ▼▼English Ref=77.3
אֶזְכְּרָה אֱלֹהִים וְאֶֽהֱמָיָה אָשִׂיחָה׀ וְתִתְעַטֵּף רוּחִי סֶֽלָה׃ 5 ▼▼English Ref=77.4
אָחַזְתָּ שְׁמֻרוֹת עֵינָי נִפְעַמְתִּי וְלֹא אֲדַבֵּֽר׃ 6 ▼▼English Ref=77.5
חִשַּׁבְתִּי יָמִים מִקֶּדֶם שְׁנוֹת עוֹלָמִֽים׃ 7 ▼▼English Ref=77.6
אֶֽזְכְּרָה נְגִינָתִי בַּלָּיְלָה עִם־לְבָבִי אָשִׂיחָה וַיְחַפֵּשׂ רוּחִֽי׃ 8 ▼▼English Ref=77.7
הַֽלְעוֹלָמִים יִזְנַח׀ אֲדֹנָי וְלֹֽא־יֹסִיף לִרְצוֹת עֽוֹד׃ 9 ▼▼English Ref=77.8
הֶאָפֵס לָנֶצַח חַסְדּוֹ גָּמַר אֹמֶר לְדֹר וָדֹֽר׃ 10 ▼▼English Ref=77.9
הֲשָׁכַח חַנּוֹת אֵל אִם־קָפַץ בְּאַף רַחֲמָיו סֶֽלָה׃ 11 ▼▼English Ref=77.10
וָאֹמַר חַלּוֹתִי הִיא שְׁנוֹת יְמִין עֶלְיֽוֹן׃ 12 ▼▼English Ref=77.11
אַזְכִּיר ▼▼For Ketiv אַזְכִּיר Qere= אֶזְכּוֹר
מַֽעַלְלֵי־יָהּ כִּֽי־אֶזְכְּרָה מִקֶּדֶם פִּלְאֶֽךָ׃ 13 ▼▼English Ref=77.12
וְהָגִיתִי בְכָל־פָּעֳלֶךָ וּֽבַעֲלִילוֹתֶיךָ אָשִֽׂיחָה׃ 14 ▼▼English Ref=77.13
אֱלֹהִים בַּקֹּדֶשׁ דַּרְכֶּךָ מִי־אֵל גָּדוֹל כֵּֽאלֹהִֽים׃ 15 ▼▼English Ref=77.14
אַתָּה הָאֵל עֹשֵׂה פֶלֶא הוֹדַעְתָּ בָעַמִּים עֻזֶּֽךָ׃ 16 ▼▼English Ref=77.15
גָּאַלְתָּ בִּזְרוֹעַ עַמֶּךָ בְּנֵי־יַעֲקֹב וְיוֹסֵף סֶֽלָה׃ 17 ▼▼English Ref=77.16
רָאוּךָ מַּיִם׀ אֱֽלֹהִים רָאוּךָ מַּיִם יָחִילוּ אַף יִרְגְּזוּ תְהֹמֽוֹת׃ 18 ▼▼English Ref=77.17
זֹרְמוּ מַיִם׀ עָבוֹת קוֹל נָתְנוּ שְׁחָקִים אַף־חֲצָצֶיךָ יִתְהַלָּֽכוּ׃ 19 ▼▼English Ref=77.18
קוֹל רַעַמְךָ׀ בַּגַּלְגַּל הֵאִירוּ בְרָקִים תֵּבֵל רָגְזָה וַתִּרְעַשׁ הָאָֽרֶץ׃ 20 ▼▼English Ref=77.19
בַּיָּם דַּרְכֶּךָ וּשְׁבִילֶיךָ ▼▼For Ketiv וּשְׁבִילֶיךָ Qere= וּֽשְׁבִֽילְךָ
בְּמַיִם רַבִּים וְעִקְּבוֹתֶיךָ לֹא נֹדָֽעוּ׃ 21 ▼▼English Ref=77.20
נָחִיתָ כַצֹּאן עַמֶּךָ בְּֽיַד־מֹשֶׁה וְאַהֲרֹֽן׃
Copyright information for
THOT